Веднаш штом претседателот на Абхазија, Аслан Бжанија, изјави дека во нејзиниот залив Очамчира ќе се појави постојана база за бродовите на руската морнарица, почнаа тврдењата и гласините дека Русија ги изнесува своите воени бродови од Севастопол и ги распоредува така што тие не би биле во дострелот на западните ракети доставени до украинската армија.
Кремљ не ги коментираше информациите за трансферот на Црноморската флота од Севастопол, ниту за создавање на поморска база во Абхазија. Во меѓувреме во игра влегоа и други играчи.
Американскиот весник „Волстрит журнал“ објави дека командата на руската Црноморска флота веќе префрлила три нападни подморници и две фрегати во други пристаништа – во Русија и Крим. Поточно, дека главниот дел од таа флота бил префрлен во Новоросијск, а некои бродови во Кримската Феодосија.
- Вработен во казино се занел на апарати, па потрошил 50.000 денари од – прометот!
- Што најмногу слушале Македонците во 2023 година? Лозано рекордер, на листата Гавазова, Тамара, Каролина…
- За прв пат по речиси 80 години, небото ќе биде осветлено од експлозија на ѕвезда оддалечена 3.000 светлосни години
- Чкембари удрија по Ангеловски: Да имаше образ веќе ќе беше заминат од Пелистер!
- Македонски енергетски експерти: Војната меѓу Израел и Иран ќе предизвика последици врз енергетскиот сектор
Истиот весник наведува дека сите руски бродови кои се оштетенисè уште можат да ги користат своите крстосувачки ракети за да гаѓаат цели на територијата на Украина.
Самите Украинци користеа британски крстосувачки ракети „Сторм шедоу“ (две од нив го погодија седиштето на Црноморската флота во Севастопол на 22 септември), а американските ракети HIMARS и антирадарските ракети HARM за нападите на Крим.
Операција „Одеса“
Руски воени експерти и аналитичари сметаат дека „излезот на флотата од Севастопол“ е еден од знаците дека руското воено раководство подготвува значајни офанзивни операции во Украина.
Некои дури тврдат дека „напуштањето на Севастопол“ е составен дел од подготовките за руските операции кон Николаев и Одеса.
Тие се убедени дека во „операцијата Одеса“ најдиректно ќе учествуваат бродови, подморници, авиони и ракетни системи на Црноморската флота. Со значајна улога, дури и ако главните удари врз украинските сили распоредени во и околу Одеса доаѓаат од копното.
Поранешниот командант на Црноморската флота, адмирал Владимир Комоједов, нагласи дека воените бродови од Севастопол се „разместени“ за да бидат подалеку од украинските ракети, но дека „ќе биде зачувана нивната способност да вршат напади во која било насока“.
Тој особено нагласи дека бродовите во воени услови не смеат да се групираат во едно или две „јата“:
- Кога флотата е дисперзирана, потешко е да се открие и таргетира – рече Комоједов.
Да потсетиме, Русија има сериозно воено пристаниште во Новоросијск. Изградено многу пред Специјалната воена операција во Украина.
Пронајдете не на следниве мрежи: ©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола од ПУЛС24.MK или посебен договор, не е дозволено преземање, користење или реемитување на вестите.