Украинското и британското министерство за одбрана се согласија за заедничко производство на илјада дронови-пресретнувачи „Октопус-100“, објави „Укринформ“.

Секретарот на Советот за национална безбедност и одбрана на Украина, Рустем Умеров, денес ја објави веста на Фејсбук.

Украина се движи на ново ниво на партнерство со Обединетото Кралство во одбранбениот сектор, напиша тој во својата објава. Умеров забележува дека ова ќе биде првиот украински борбен дрон што ќе биде ставен во сериско производство во земја-членка на НАТО.

Порано оваа недела, претседателот Володимир Зеленски му го покажа украинскиот дрон-пресретнувач „Октопус-100“ на британскиот премиер Кир Стармер на состанок во Лондон, потсетува БТА. Велика Британија ќе ги произведува овие беспилотни летала за понатамошно тестирање во Украина.