Поранешниот американски претседател Доналд Трамп во петокот се врати на Фејсбук, и напиша „Се вратив!” на неговата повторно достапна страница. Тој беше забранет од социјалната мрежа во 2021 година по немирите во Капитол на 6 јануари во Вашингтон.

Освен кратката најава за враќањето, тој постави и старо видео од себе кога победи на претседателските избори во 2016 година, велејќи: „Извинете за чекањето, комплицирана работа“.

Мета, матичната компанија на Фејсбук, во јануари објави дека ќе го врати поранешниот претседател на функцијата бидејќи смета дека јавноста треба да може да ги слушне политичарите. Сепак, тие појаснуваат дека Трамп сега се соочува со „заострени казни за повторување на прекршоци“ како начин да се „одврати“ таквото однесување.

Поранешниот претседател беше отстранет од Фејсбук и Инстаграм, обете во сопственост на Мета, во 2021 година. Пишувајќи за забраната во 2022 година, претседателот на компанијата за глобални прашања, поранешниот вицепремиер на Обединетото Кралство, Ник Клег, рече дека бил под екстремни и крајно невообичаени околности а официјалната причина за отстранувањето на Трамп од социјалните мрежи беше тоа што Трамп ги пофали луѓето кои учествуваа во насилството во Капитол на 6 јануари 2021 година.

Тој беше на сличен начин трајно суспендиран од Твитер поради поттикнување насилство. Поранешниот претседател уште пред да ја преземе функцијата особено ја сакаше оваа социјална мрежа. Во 2017 година дури изјави дека немаше да победи на изборите без Твитер.

Како одговор, Трамп поднесе тужба против Твитер, Гугл и Фејсбук за цензура. Тој тврдеше дека ако компаниите можат да го забранат него, тогаш претседателот на Соединетите држави, тогаш тие можат да го направат тоа секому. Сепак, тужбата против Твитер беше отфрлена во мај 2022 година.

Политичарот потоа создаде своја социјална мрежа наречена Truth Social во октомври 2021 година, рекламирајќи ја како конкурент на „тиранијата на големата технологија“. Трамп во официјалното соопштение за печатот напиша:

„Живееме во свет во кој талибанците се многу присутни на Твитер, а вашиот омилен американски претседател е замолчен“.

Сопственикот на Тесла, Илон Маск, го купи Твитер за 44 милијарди долари во октомври и рече дека повторно ќе постави анкета за гласање дали граѓаните сметаат дека сметката на Трамп треба да биде вратена. Резултатот од анкетата, која даде 15 милиони одговори, покажа дека 52% гласале за враќање на забранетиот поранешен претседател. Акаунтот на Трамп повторно беше видлив во ноември, но тој сè уште не објавил ништо на Твитер. Тој напиша дека иако му се допаѓа „Илон“, тој ќе остане во Truth Social, нарекувајќи го „специјален“.

Трамп ја објави својата претседателска кампања за 2024 година во ноември, откако Републиканската партија обезбеди тесно мнозинство во Претставничкиот дом на среднорочните избори. Новообновениот профил на Фејсбук ќе биде „важна алатка за кампањата во 2024 година за да допре до гласачите преку рекламирање, мобилизација и собирање средства“, изјави портпаролот на кампањата, Стивен Чеунг за ,,Фокс њуз”.