Америка очекува украинскиот претседател Володимир Зеленски да го потпише мировниот план на Трамп до 27 ноември, објави „Фајненшл тајмс“, повикувајќи се на украински претставници.
Според американски извори, Вашингтон сака Зеленски да го потпише „пред Денот на благодарноста“, за да може мировниот договор да ѝ биде презентиран на Москва до крајот на месецот , а целиот процес да може да се затвори на почетокот на декември.
Сепак, како што додава „Фајненшл тајмс“, ова веројатно нема да се случи во дадениот рок. Службеници од кабинетот на Зеленски тврдат дека Киев категорично не се согласува со одредени точки од американскиот предлог и дека таков документ не може да се потпише без измена на најконтроверзните делови.
Според весникот, Киев подготвува и контрапредлози што треба да бидат испратени до американската страна во наредните денови.
