Откако беше објавено дека синоќа имало инцидент во дискотеката Топ Хил во Будва, а бил евакуиран и премиерот Дритан Абазовиќ, порталот CdM објави видео на кое се гледа како Абазовиќ ја напушта популарната дискотека.
Неколку помлади луѓе извикуваа „Уаааааааааааааа! и „Мило, Мило“
Може да се забележат неколку луѓе како излегуваат од дискотеката кашлајќи. Од полицијата за црногорските медиуми изјавиле дека во дискотеката бил употребен спреј со иритирачки ефект, но откако Абазовиќ ја напуштил дискотеката.
Црногорската полиција денеска соопшти дека Абазовиќ не бил нападнат, туку дека дошло до конфликт меѓу неколку лица и дека премиерот во тој момент поминувал покрај нив.
На видеото кое го објави црногорскиот портал се гледа дека додека Абазовиќ си заминува со обезбедување, полицајците вадат неколку лица од дискотеката.
Може да видите и двајца полицајци како влетуваат во дискотеката, а група млади луѓе истрчуваат од неа.
Очевидци на настанот претходно изјавија дека виделе дека полицијата го евакуирала Абазовиќ и привела неколку лица.
-Изгледаше дека е нападнат затоа што човекот го пцуеше додека не влезе во болница. Сигурно интервенирале 15-20 полицајци – изјавиле за црногорските медиуми очевидци на настанот.
Да потсетиме, премиерот во технички мандат Дритан Абазовиќ синоќа бил евакуиран од познатиот ноќен клуб Будва на ридот Топлиш, дознаваат медиумите.
Полицијата неофицијално соопшти дека тој не бил нападнат, туку дошло до конфликт меѓу некои лица, а покрај нив во тој момент поминувал Абазовиќ.
Концертот на Дино Мерилин се одржа синоќа во дискотеката Топ Хил во Будва.
Информација дека имало инцидент на настан на кој присуствувал Абазовиќ објавија и регионалните медиуми.
Абазовиќ и полицијата се уште немаат дадено официјална изјава за оваа прилика.
Пронајдете не на следниве мрежи:
