Осомничени за пожарот во дискотеката „Пулс“ во Кочани денеска пред новинарите истакнаа дека не се чувствуваат виновни.

Имено, по новинарско прашање за тоа дали се чувствуваат виновни, еден од осомничените застана и рече дека се херои, односно спасиле 200 луѓе.

„Не се чувствуваме виновни, ние сме херои, спасивме повеќе од 200 луѓе, ако не спасевме ќе имаше повеќе. Јас до последен момент останав во огнот за да ги извадам сите деца, да ги спасувам како мои. Имам две малолетни деца“, рече тој.