Вирусот на птичјиот грип H7N9 кај луѓе откриен во уште две провинции во Кина

Првите случаи на заразување луѓе со новиот сој на вирусот на птичјиот грип H7N9 беа регистрирани кон крајот на март а последните се забележани во кинеските провинции Фуцзјан и Цзјанси, објави државната комисија за здравство и планирање на семејството.Според оваа кинеска владина агенција, во провинцијата Фуцзјан заболен е 65-годишен маж, а во Цзјанси 75-годишна жена. Така, заклучно со петокот во Кина регистрирани случаи на зараза на луѓето со новиот сој на вирусот на птичјиот грип означен како H7N9 има во девет региони – на градовите Пекинг и Шангај, како и во провинциите Цзјансу, Чжецзјан, Анхој, Хенан, Шандун, Фуцзјан и Сенцзјан.Претходно во петокот беше соопштено за нови три случаи во провинцијата Цзјансу и уште еден заболен во провинцијата Чжецзјан, со што во петокот навечер се регистрирани вкупно 117 лица заразени со вирусот H7N9, од кои 23 луѓе починале.Кинеските научници сметаат дека се` уште не може да се зборува за преносливост на вирусот H7N9 од човек на човек. Исто така, не е забележана епидемиолошка врска меѓу сите случаи. Не постојат ниту пријави за масовно заболување со грипот H7N9 кај живината. Експертите се уверени дека смртоносниот вирус се уништува со термичка обработка и апелираат населението да не паничи, да ги одбегнува контактите со живи птици, како и повнимателно подготвување на продуктите од живина.
МакфаксПрвите случаи на заразување луѓе со новиот сој на вирусот на птичјиот грип H7N9 беа регистрирани кон крајот на март а

Пронајдете не на следниве мрежи: