Вкусни и топли сендвичи: Рецепт за корнети од тесто за пица

Со корнетите од тесто за пица можете да експериментирате како што сакате. Ладните корнети се сервираат со салати, како што се салатите со моркови и павлака или пак со колбаси. Кога се топли, тие се нај вкусни во комбинација со стопено сирење и омилените додатоци.
Вкусни и топли сендвичи: Рецепт за корнети од тесто за пица
Потребни состојки:
За корнетите:
10 г свеж квасец
1/2 лажичка шеќер
160 г брашно
1/2 лажичка сол
2 лажици маслиново масло
околу 100 милилитри топла вода
За филот:
150 г шунка
150 г сирење моцарела
10 маслинки (без семки)
150 милилитри доматен сос


Начин на подготовка:
Промешајте го квасецот во малку топла вода, а потоа додадете шеќер и оставете го да се активира.
Потоа во брашното додајте го квасецот, солта и маслото и додавајте топла вода по потреба. Месете го тестото, a потоа оставете го на топло додека не нарасне.
Кога тестото ќе нарасне, набрашнете ја масата и од тестото направете топче. Потоа направете круг и поделете го на четири еднакви делови.
Користете корнети за сладолед или калапи кои ќе ги завиткате во алуминиумска фолија, а потоа и со тестото. Печете ги за 12 до 15 минути на 180 степени, а потоа извадете ја фолијата.
Кога ќе се оладат, внатрешноста премачкајте ја со сос од домати и додајте рендана моцарела, шунка и сечкани маслинки. Печете додека сирењето не се стопи.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.