Ризикот од избувнување на нуклеарна војна во моментов е на највисоката точка во последните неколку децении, изјави денеска генералниот секретар на Обединетите нации, Антонио Гутереш.
На денешната седница на Советот за безбедност Гутереш рече дека државите кои поседуваат нуклеарно оружје мора да се обврзат да не бидат први кои ќе го користат, пренесе Тасс.
Тие земји мора да ги уверат државите кои немаат нуклеарно оружје дека нема да го користат против нив, ниту ќе им се закануваат со тоа оружје, а тоа мора да се направи на транспарентен начин, рече Гутереш, додавајќи дека „штракањето на нуклеарните сабји мора веднаш да престане“.
Првиот човек на Обединетите нации посочи дека е неопходно сите земји повторно да се посветат на свет без нуклеарно оружје и да не штедат напор да започнат преговори за тоа, со цел да се намалат тензиите и еднаш засекогаш да се запре трката во нуклеарно вооружување. сите.
Заменик постојаниот претставник на Русија во Обединетите нации, Дмитриј Полјански, денеска соопшти дека Москва побарала итна седница на Советот за безбедност во врска со украинската нуклеарна централа Запорожје и изјавила дека таа ќе се одржи утре во 21:00 часот.
Пронајдете не на следниве мрежи:
