Рускиот државен медиум РИА Новости ја објави веста дека непознат дрон паднал на аеродромот кај Калуга и дека нема жртви, објави гувернерот на регионот Владислав Шапша.
Според него, аеродромската инфраструктура не е оштетена.
„Нема закана ниту за работата на аеродромот. Истражен тим работи на лице место за утврдување на причината и околностите за инцидентот“, изјави Шапша на својот канал Телеграм.
Од друга страна, на социјалните мрежи се тврди дека непознато беспилотно летало се приближило до руската воена воздухопловна база Шаковка во регионот Калуга, кое било соборено над пистата.
Сепак, неформални извори на каналот Телеграм велат дека дронот, најверојатно украински, не бил соборен, туку удрил во пистата и експлодирал. Целта биле бомбардери со долг дострел ТУ-22 М3 кои биле паркирани, а дронот паднал на околу 100 метри од првиот авион.
Инаку, базата Шајковка е дом на 52-та гардиска воздушна ескадрила, која е опремена со бомбардери со долг дострел ТУ-22М3 кои од почетокот на војната во Украина интензивно учествуваат во лансирањето на крстосувачки ракети кон Одеса, Киев, Виница, а последниот случај беше пред два дена.
Она што е интересно е што оваа воздухопловна база се наоѓа на 200 километри од границата со Украина.
Инаку, бомбардери од оваа база последен пат полетаа ноќта среда кон четврток и лансираа крстаречки ракети од воздушниот простор на Белорусија кон цели во Запорожје.
Пронајдете не на следниве мрежи:
