НАТО ќе започнеше војна против Русија, користејќи го Крим како изговор, доколку не беше запрен во Украина, изјави иранскиот верски лидер Али Хамнеи за време на средбата со претседателот Владимир Путин во Техеран.

Војната е сурова и сложена категорија и Исламската Република воопшто не е среќна што обичните луѓе страдаат поради неа, но во случајот со Украина, да не преземевте иницијатива, другата страна ќе ја предизвикаше самата војна – рече Ајатолахот Хамнеи.

Како што наведе, НАТО е опасна организација, а Западот е категорично против силна и независна Русија. – Кога е отворен патот кон НАТО, оваа алијанса не познава граници. Да не беше стопирана во Украина, по некое време ќе ја почнеше истата војна, користејќи го Крим како изговор – заклучи тој. Да потсетиме, во Техеран се одржува средба на лидерите на Русија, Иран и Турција, Владимир Путин, Ибрахим Реиси и Реџеп Таип Ердоган. Меѓу другото, тема на разговор ќе биде и ситуацијата во Сирија.

Пронајдете не на следниве мрежи:

• 
• 
• 
• 
• 
• 

©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.