Однадвор крцкава, а внатре богата со чоколадо, бидејќи не содржи брашно, оваа торта е одлична за оние кои избегнуваат глутен, како и за оние кои се на кето диета… Љубители на чоколадо, навалете!
Состојки:
145 гр путер
300 гр квалитетно темно чоколадо, плус малку млечно за декорација
5 големи јајца
40 грама какао, плус уште малку за посипување
150 гр шеќер
прстофат сол
грст суво грозје, натопено во вода или рум
Подготовка:
Загрејте ја рерната на 160 степени. Подгответе калап за торта од 23 сантиметри и намрсете го, а дното и страните на калапот посипете ги со какао. Чоколадото и путерот растопете ги на пареа, измешајте и оставете ги на страна. Одделете ги белките од жолчките и изматете ги белките во цврст снег, додавајќи им една по една лажица шеќер. Во смесата со чоколадо и путер додадете ги жолчките, изматете, па додадете го какаото. Додадете прстофат сол и една четвртина од белките и нежно измешајте со гумена шпатула. Потоа додадете го остатокот од белките и исто така измешајте. Печете го колачот 30-35 минути. Тортата украсете ја со какао, рендано млечно чоколадо и суво грозје.
Уживајте!
