Според податоците од Државниот завод за статистика на Република Македонија, трошоците за живот во мај 2025 година се зголемиле за 1,5% во споредба со април.Ова зголемување е главно предизвикано од зголемувањето на цените на храната и безалкохолните пијалоци, кои бележат зголемување од 4,1%.Покрај храната, зголемување на цените е забележано и кај разни стоки и услуги (1,5%), алкохолни пијалоци, тутун (0,8%), облека и обувки (0,5%), како и кај рекреација, култура, мебел и одржување на домаќинствата. Помали зголемувања на цените се забележани и во категориите домување, здравство и енергија.Од друга страна, граѓаните почувствуваа олеснување во транспортот, каде што цените се намалија за 3,6%, а мало намалување е забележано и во угостителските услуги (ресторани и хотели) и комуникациите.Во споредба со истиот месец минатата година, во мај 2025 година е забележана инфлација од 3,3%, што значи дека цените се зголемиле за толку во просек во текот на една година.Индексот на малопродажни цени, пак, покажува зголемување од 1,6% на годишна основа, додека месечното зголемување во однос на април е минимално – 0,2%. Иако некои производи и услуги поевтинија, целокупната слика покажува дека животот продолжува да станува поскап, особено кога станува збор за основни трошоци како што е храната.
ДЗС-Mакедонија: Трошоците за живот во мај 2025 година се зголемија за 1,5%
