Индиската енергетска компанија „Тата Пауер“ планира да извезува соларна опрема, вклучувајќи соларни ќелии и панели, на европскиот пазар за прв пат, бидејќи ЕУ се стреми да ја намали својата зависност од кинеските производители во синџирот на снабдување со обновлива енергија.
Извршниот директор на „Тата моторс“, Правир Синха, изјави дека „Тата“ гледа значајна можност за извоз во Европа , особено откако Италија отвори можност за увоз на опрема за соларни проекти што не користат кинески компоненти, во согласност со Законот за индустрија со нулта енергетска ефикасност на Европската унија, објави „Ројтерс“.
Тој не прецизираше за која земја станува збор, но изјави дека компанијата го проценува извозниот потенцијал на два до три гигавати.
Според податоците од консултантската компанија „Грин Хорс Адвајзори“, повеќе од 95 проценти од сончевите модули инсталирани во Европската Унија доаѓаат од увоз, додека во 2023 година, Кина обезбеди околу 94 проценти од сончевите модули и ќелии увезени на пазарот на ЕУ.
„Тата“ моментално има производствен капацитет од 4,9 гигавати интегрирани соларни ќелии и модули, а планира да го прошири со изградба на фабрика за производство на силиконски инготи и плочки со вкупен капацитет до 10 гигавати.
Според владини проценки, Индија има речиси 200 гигавати капацитет за производство на соларни модули и околу 30 гигавати капацитет за производство на соларни ќелии, поради што сè поголем број индиски производители размислуваат за извоз на европскиот пазар.
Дополнителен поттик е трговскиот договор меѓу Индија и Европската Унија , постигнат претходно оваа година, со кој се намалија царините за повеќето производи со цел да се промовира меѓусебната трговија.
The post Додека ЕУ ѝ го врти грбот на Кина, индискиот гигант има корист appeared first on Во Центар.
