Домашните штангли од јаткасти плодови и брусница неверојатно лесно се приготвуваат, многу се здрави, неодоливо вкусни, а ќе бидат совршена ужина, како за вас, така и за вашите деца
Состојки:
100 г сончогледови семки
100 г семки од тиква
50 г сушена брусница
50 г сечкани лешници
50 г бадеми
1 шолја овесни снегулки
2 супени лажици чипс од кокос или мелен кокос
50 г путер
2-3 лажици топено кокосово масло
Приготвување:
Поврзани објави
Принцес-крофни со крем од бело чоколадо и јагоди: Меки,…
Торта со портокали и со лешници за 8 лица
Палачинки со грчки јогурт, лимон и семе од афион
Паша-локум или султанова сарма: Брз рецепт за…
Најпрво измешајте ги сите суви состојки, а потоа во тенџере стопете ги путерот и маслото. Измешајте ги состојките со стопениот путер и масло. Доколку е премногу масно од путерот и кокосовото масло, додајте уште малку овесни снегулки. Доколку, пак, смесата изгледа премногу суво, додајте уште путер или кокосово масло, по проценка.
Приготвената смеса ставете ја во плех обложен со хартија за печење и рамномерно распоредете ја и притиснете ја во плехот. Така приготвената смеса оставете ја во фрижидер да се зацврсти и кога ќе биде готова, пресечете ја на штангли. Добар апетит!
