До 2050 година во океаните ќе има повеќе пластика отколку риби

Денеска се одбележува Светскиот ден на океаните за да се подигне свеста за важната улога која тие ја имаат во нашиот секојдневен живот.
Океаните прекриваат речиси ¾ или 71 отсто од површината на Земјата, а од 2000 година официјално се 5: Арктички, Атлантски, Индиски, Тихи и Јужен Океан.
Водите на океаните стануваат сè повеќе загрозени поради глобалното затоплување кое предизвикува пораст на температурите. Од 1880 година, глобалното средно ниво на морињата се зголемило за 21-24 центиметри, воглавно поради топењето на глечерите и термалната експанзија на морската вода која се загрева.


Повеќе пластика во океаните отколку риби
Океаните се загрозени од претераниот риболов и отпадот, особено пластиката. Луѓето произведуваат тони и тони отпад од кој голем дел е пластика.
Луѓето годишно користат повеќе од 1 милијарда пластични кеси, фрлаат 13 милиони тони пластика во океаните, трошат 17 милиони барели за изработка на пластика (еден барел има околу 159 литри) и убиваат повеќе од 100.000 животни со користење на пластика.
Проблемот е во тоа што на пластиката ѝ се потребни околу 100 години за да се разгради во природата.
Со присутните трендови на користење и фрлање на пластичен отпад во океаните, пластиката ќе го надмине бројот на риби веќе во 2050 година.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.