Нашето тело природно произведува колаген, но кога ќе ја поминеме 20-тата година, неговото производство се забавува и во шестата деценија од животот имаме 50 проценти помалку колаген од количината што сме ја имале на 20 години.
Бавното производство на колаген е една од причините зошто кожата повеќе не изгледа младешки, зошто нè болат зглобовите и косата ни се проретчува. Колагенот е најзастапениот вид на протеин во нашето тело, па затоа сочинува 30 проценти од вкупната количина на протеини во телото. Се наоѓа низ целото тело, вклучувајќи ги мускулите, коските, косата, кожата и ноктите.
Во телото има околу 40 различни видови на колаген, а колагенот тип 1 е најзастапен и е важен дел од нашата кожа, коски и мускули.
Колагенот ќе направи кожата да ни изгледа мазна и свежа. Додатоци во исхраната кои содржат колаген помагаат да се зајакне кожата, а со тоа се спречува создавањето на брчки, целулит и стрии. Секојдневната употреба на колаген ќе ја хидрира кожата и ќе ја зголеми нејзината еластичност и ќе ги намали штетите предизвикани од изложувањето на сончевите зраци.
За жените над 50 години, зајакнувањето на производството на колаген често значи избор на намирници кои се богати со витамини и минерали. Тие можат да помогнат да се подобри производството на колаген и еластин, компоненти кои ќе направат кожата да изгледа младешки, но и ќе ги заштити нашите коски и варење, како и здравјето на срцето.
Нутриционистката Меган Вонг, која е специјалист за исхрана за хронични болести, нуди совети за тоа кои три намирници треба да ги јадат жените на 50 и повеќе години за да уживаат во младешкиот изглед на кожата и целокупното здравје.
Сардини
Сардините се многу добар избор на рибен оброк бидејќи ги јадеме цели (со кожата и коските), а токму на тој начин ќе го зголемиме внесувањето на колаген во организмот. Сардините се полни со калциум, витамин Д и омега 3 масни киселини, а сите овие состојки ќе влијаат и на здравјето на коските, вели Вонг.
„Бидејќи менопаузата предизвикува забрзано губење на коскената маса, дури и до 20 проценти, важно е жените над 50 години да се грижат не само за убавата кожа, туку и за здравјето на коските“, додава тој.
Грав
Не постои колаген од растително потекло, бидејќи доаѓа од производи од животинско потекло, па телото ќе го произведува и ќе го стимулира неговото производство доколку му се понудат вистинските производи, вели Вонг.
Гравот е одличен извор на две состојки кои го стимулираат градењето на колаген, а тоа се цинкот и пролинот. Пролинот ќе ја поддржи стабилноста на колагенот, додека цинкот ќе го забави неговото влошување.
Јачмен
Следниот пат кога ќе посегнете по ориз, размислете за јачменот бидејќи тоа е поздрав избор. Јачменот содржи минерал кој ќе ги активира ензимите вклучени во производството на колаген, за кои е докажано дека помагаат во обновувањето на еластичноста на кожата и ја намалуваат видливоста на брчките. Јачменот е храна богата со растворливи влакна кои ќе помогнат во контролата на шеќерот и холестеролот во крвта.
Кремите и серумите се одлична помош, но исхраната богата со намирници кои го стимулираат производството на колаген секако се најдобри начини за одржување на младоста и здравјето на кожата.
