Изгледа дека животинскиот принт никогаш нема да излезе од мода. За тоа сведочи и големата популарност на капутите со леопардов дизајн што беа претставени на последните ревии на светски познатите дизајнери како Сен Лорен, Роберт Кавали и Миу Миу.
Имено капутите со овој дизајн ја претвораат секоја есенска комбинација во вистински „чик“ изглед, кој делува како навистина да сте се потрудиле за својот изглед – многу повеќе одошто реално сте направиле.
Вие нема да згрешите ни ако се одлучите за бунда од вештачко крзно со овој принт, бидејќи таа без сомнение ќе ви се најде за време на студените зимски денови.
Од друга страна пак, капутот со леопардов дизајн можете да го пронајдете и во шкафот на мајка ви, меѓу старата гардероба, како и во половните продавници што значи дека не мора да дадете цело богатство за нов модел.
