Во својата реакција објавена на социјалните мрежи таа оценува дека е „срамно раздвојување на заедница од министер со демократски принципи што враќа страшни спомени со неподнослива бруталност.

-Вербален линч на цела нација на јазик кој звучи како министерот да ја најавува отворената сезона за Албанците само неколку недели по заедничкото коминике меѓу премиерот на Република Албанија и тој на Велика Британија, каде што тие позитивно ја оценија улогата на албанската дијаспора во Британија и нејзиниот важен придонес за културата, економијата и општеството на двете земји. Срамно раздвојување на заедница од министер со демократски принципи што враќа страшни спомени со неподнослива бруталност, пишува Џачка.

Претходно, на крајот на октомври, лани, министерката за внатрешни работи, Суела Браверман Албанците кои илегално одат во Велика Британија ги опишала како криминалци, велејќи дека ја окупираат земјата, на што остро реагираше премерот Еди Рама.

Тој ја нападна владата на Велика Британија, велејќи дека Лондон мора да престане да ги обвинува Албанците за сопствените „неуспеси во политиката“, наведувајќи дека 70 отсто од 140.000 Албанци кои живеат во Велика Британија се интегрирани во тамошното општество.

Веднаш следуваше реакција од кабинетот на премиерот на Обединетото Кралство, Риши Сунак, во кое стоеше дека Британија останува посветена на борбата против трговијата со луѓе и дека има силни односи со Албанија.

Инаку, минатата година од над 45 илјади лица кои илегално со моторни чамци преку каналот влегле на британска територија, најмалку 13 илјади биле албански државјани.