Зеленски имаше објава на неговиот профил на Телеграм по состанокот на лидерите на Г7, на кој учествуваше и тој. За време на средбата тој ја обвини Русија дека се обидува да ја вовлече Белорусија во војна.
– Не можеме да водиме дијалог со овој руски лидер кој е во завршна фаза од своето владеење и кој се уште бара нова ескалација. Дијалогот би можел да се продолжи со друг лидер кој ќе се согласи со основните принципи на хуманоста наведени од ОН и кој ќе го почитува територијалниот интегритет на Украина. Едно лице го блокира мирот и тој човек е во Москва – рече Зеленски и додаде дека тоа е „закана за сите“.
Тој продолжи да бара лидерите на Г7 да му помогнат на Киев да купи и распореди системи за противвоздушна одбрана, откако руските проектили силно ги оштетија енергетските капацитети на Украина, и рече дека Путин се обидува да ја вовлече Белорусија во конфликтот.
– Русија се обидува да ја вовлече Белорусија директно во оваа војна, со провокација дека наводно подготвуваме напад врз оваа земја – рече Зеленски и повика на стационирање на меѓународни набљудувачи на границата на Украина и Белорусија за да ја следат безбедносната ситуација.
Тој исто така рече дека на овој начин ќе бидат чекор поблиску до воспоставување мир, охрабрувајќи ја Русија да размислува за мир и непрофитабилна војна.
Пронајдете не на следниве мрежи:
