Зелник со праз

за тесто
500гр брашно
250мл млака вода
1/2 коцка свеж квасец
1 кафено лажиче сол
3 супени лажици масло
за фил
2 страка праз
50 мл масло
за премачкување на корите
100 гр путер или маргарин
за попрскување на зелникот
50мл масло

Најпрво направете го филот за да може да се излади. Празот исчистете го и исецкајте го ситно, потоа додадете го маслото и пржете додека омекне. Посолете по вкус.
За тестото најпрво се става квасецот со 1 лажица брашно, малку млака вода и 1/2 кафено лажиче шеќер да стаса. Потоа се додава брашното, маслото и со млака вода се замесува средно тесто.
Тестото се дели на две топки, од едната топка правиме три помали топчиња и ги расукуваме со сукалка.


Врз првата коричка ставаме парчиња маргарин, потоа кора, пак маргарин и завршуваме со кора. Ја тргаме на страна и постапката ја повторуваме со другата топка.
Кората со маргарин ја расукуваме тенко и ја ставаме во подмачкан плех бр 28, но од самата кора да излегува 2 цм кон надвор за да може да се направи витка. Преку кората го ставаме филот, а потоа ја расукуваме и втората кора.
Втората кора ја ставаме врз филот и ја собираме по малку како на сликата.
Со краевите од првата кора правиме витка, го попрскуваме зелникот со масло и оставаме 15 минути да нарасне.
Го печеме на 200 степени 15 минути, а потоа на 170 уште 15-20 минути.
Кога е готов го покриваме со крпа, а потоа го служиме со кисело млеко.
На здравје !!

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.