Земјотрес со јачина од 3,5 степени според Рихтеровата скала ја погоди Словенија утрово нешто пред 04:00 часот, соопшти националната сеизмолошка служба.
Земјотресот, кој е регистриран во 3 часот и 37 минути утринава, најмногу бил почувствуван во Горењска, бидејќи епицентарот на земјотресот бил на приближно осум километри југозападно од Шкофја Лока, јавуваат словенечките медиуми.

Како што соопштија од Агенцијата за животна средина, според првите податоци, земјотресот го почувствувале жители на цела Словенија.
„Проценуваме дека интензитетот (ефектот) на земјотресот не го надмина петтото ниво според Европската скала за земјотреси (EMS-98)“, се вели во соопштението на агенцијата.
Засега нема извештаи за евентуални штети од овој земјотрес.