Пред куќата во која живее Миле Зечевиќ на улицата “Генерал Михајло Апостолски“, во скопската населба Карпош 1 во пожар целосно изгорел автомобил „тојота корола“. Опожарениот автомобил е во сопственост на неговата сопруга. Се претпоставува дека пожарот, кој избувнал утрово околу 3 часот, бил подметнат. Полицијата извршила увид, но сѐ уште го обезбедува местото.
Миле Зечевиќ е член на Централниот одбор на СДСМ. Во 2006. година беше директор на Управата за безбедност и контраразузнавање, а претходно и шеф на кабинетот на Владо Бучковски, во времето кога тој беше министер за одбрана.