Само една доза на вакцини Фајзер на БиоНТех го намалува бројот на асимптоматски случаи на инфекција и може значително да го намали ризикот од пренесување на коронавирусот, покажуваат резултатите од новото британско истражување, чии резултати беа објавени во петокот.
Истражувачите ги анализирале резултатите од илјадниците тестови на КОВИД-19 спроведени секоја недела како дел од тестирањата од здравствени работници во Кембриџ.
Нашите резултати покажуваат драматично намалување на стапката на позитивни тестови кај асимптоматски здравствени работници по само една доза вакцина Pfizer-BioNTech, рече Ник Џонс, специјалист за инфективни болести на универзитетската болница во Кембриџ, кој беше еден од водачите на студијата. По разделувањето на резултатите од тестовите на вакцинираните здравствени работници и оние кои не се вакцинирале, истражувачите откриле дека 0,8 проценти од тестовите на невакцинирани работници биле позитивни.
Од друга страна, 0,37 проценти од тестовите на вработените биле позитивни помалку од 12 дена по вакцинирањето, кога заштитениот ефект на вакцината сè уште не бил целосно настанат и 0,2 проценти од тестовите на вработените 12 или повеќе дена по вакцинирањето. Резултатите сугерираат на четирипати помал ризик од асимптоматска инфекција со коронавирус кај работниците вакцинирани пред повеќе од 12 дена и заштита од 75 проценти, рече Мајк Викес, експерт за инфективни болести на Медицинскиот факултет на Универзитетот Кембриџ, кој беше еден од водачите на студијата
Бројот на асимптоматски инфекции, исто така, е преполовен кај вакцинираните пред помалку од 12 дена, рече тој. Тоа е многу добра вест. Вакцината Фајзер не само што обезбедува заштита од вирус САРС-КоВ-2, туку исто така го намалува потенцијалот за пренесување на вирусот на други лица, рече Викс. Но, мора да бидеме свесни дека вакцината не обезбедува целосна заштита за секого. Израел во средата објави дека две дози вакцина Фајзер ги намалуваат симптоматските случаи на КОВИД-19 за 94 проценти во сите возрасни групи и тешката форма на болеста за скоро исто толку.
