Американската ријалити ѕвезда и претприемачка Ким Кардашијан (45) откри дека користела ChatGPT додека учела за правосудниот испит и тврди дека популарната алатка за вештачка интелигенција повеќе ѝ пречела отколку што ѝ помогнала.
Ким зборуваше за своето искуство со вештачката интелигенција во интервју за серијата „Lie Detector Test“ на списанието Vanity Fair, каде што колешката и актерка Тејана Тејлор ја прашала за различни аспекти од нејзиниот живот, од љубовни совети до нејзиниот однос со технологијата.
Кога ја прашале дали го користи ChatGPT за животни совети, љубовни совети или можеби го гледа како „пријател“, Кардашијан првично одговорила негативно. Сепак, таа признала дека го користи за правни совети додека се подготвува за испитот.
„Секогаш кога ми треба одговор на правно прашање, сликам задачата и ја прикачувам на ChatGPT. Но, тоа често ме води до погрешен одговор, поради што постојано паѓам на тестовите. Потоа се нервирам и почнувам да му викам“, рече Ким со насмевка.
Тејлор се пошегува, прашувајќи дали тоа значи дека таа и ChatGPT всушност се пријатели и соперници во исто време.
„Да, точно така“, потврди Ким. „А потоа рече: „Ова само те учи да им веруваш на своите инстинкти – цело време го знаеше одговорот“, рече таа.
Според Vanity Fair, полиграфски испитувач потврдил дека Кардашијан не лажела кога зборувала за користење на ChatGPT.
Пронајдете не на следниве мрежи:
