Кумановски Препеќ

Состојки
За ТЕСТО ќе ви треба:
500 гр. брашно + за расукување
1 сув квасец
1 лажичка сол
350 мл. млака вода
100 мл. масло
За ФИЛ ќе ви треба:
300 гр. солена урда + 4 јајца
1 јајце за премачкување
сусам за наросување

Денес ќе готвиме заедно со Теофанија, готвач член на нашата веб-страница. Теофанија ќе подготви еден од нејзините најпопуларни рецепти, Кумановски Препеќ.

Подготовка
Чекор 1: Од состојките за тесто, замесете средно меко тесто. Поделете го на 5 идентични топчиња и едно два пати поголемо од другите. Оставете ги десетина минути да се одморат.
За подготвка на филот, промешајте јајцата и урдата.
Чекор 2: Најголемото топче го расукајте го, премачкајте го со масло, преклопете го како плик, па повторно расукајте го. Така три пати, со тоа што при секое расукување набрашнувате. На крај расукајте го во округла кора.
Чекор 3: Во Делимано тавата за пица постелете го кругот од тесто да виси од страните. Попрскајте го со масло и ставете од филот.
Потоа расукајте едно од топчињата тесто со големина колку тавата и ставете го врз првиот слој, попрскајте го со масло и со фил. Повторете ја постапката со сите топчиња.
Чекор 4: На последното тесто ставете фил и масло само од надворешната страна на кругот. Потоа земете го делот од тестото што виси над тавчето и покријте го тестото со него.
Чекор 5: Изматете едно јајце со една лажица масло – нам ни се погоди со 2 жолчки. Премачкајте го и наросете со сусам. Оставете да стаса околу 15 минути. Печете во загреана рерна, 10 минути на 220 степени и 10 минути на 200 степени.
Чекор 6: Сервирајте со павлака, јогурт или кисело млеко. Добар апетит!

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.