Францускиот претседател Емануел Макрон изјави во Прага дека војната во Украина мора да заврши на преговарачка маса, но во моментот и под условите што ги одбраа Украинците бидејќи тие се жртви на агресија и дека Европа ќе продолжи да живее покрај Русија. „Таа војна мора да заврши на преговарачка маса во моментот и под условите што ги одбраа Украинците бидејќи тие се жртви на агресија. Мислам дека дојде часот? Не. Сега живееме среде војна“ рече Макрон во интервју за чешкиот дневен весник Хосподаржске новини, словачки Сме и полски Џењик газета права.
Макрон, кој денеска на самитот на новата европска политичка заедница, на кој се собраа лидерите на 44 европски земји, со исклучок на Русија и Белорусија, предупреди дека санкциите против Русија не смеат да се заобиколат, им порача на земјите што го прават тоа во интервју дека само Претседателот на Русија, Владимир Путин, реши да војува.
„Знам дека во неколку земји избувнаа протести за поддршка на Русија и против санкциите. На сите кои се сомневаат во нашата политика, сакам недвосмислено да им порачам – претседателот Путин, никој друг, реши да војува. Ова го велам како некој кој направи се во последните пет години за да воспостави искрен дијалог со него“, рече Макрон.
Францускиот претседател ја одбележа политиката на Европската унија, која и помага на Украина со оружје и финансиски, не учествува во самата војна, притоа воведува санкции против Русија за реална политика.
„Не може да има мир во Европа ако не се почитува суверенитетот на државите и неповредливоста на границите. Дали некој на нашиот континент сака повторно да потоне во агресија еден против друг? Добро знаеме какви гранични спорови би можеле да избијат во Централна Европа или на Балканот доколку дозволиме такво решение“, рече францускиот претседател.
Емануел Макрон предупреди дека ЕУ мора да живее до Русија.
„Руската средна класа се отвори кон Европа и сака да живее како што живеат луѓето во Прага, Берлин, Париз, Варшава, Милано. Таква е реалноста. Тие луѓе ќе имаат различни аспирации од нивната сегашна влада. Но, денес нема време за такви размислувања, војната трае. Ќе видиме кога ќе дојде мирот“, рече Макрон.
По повод самитот на европската политичка заедница во Прага, што е негова идеја за средба со ЕУ со земјите од стариот континент кои имаат амбиција да влезат во ЕУ или ја напуштиле, како и оние кои се дел од заедничкиот пазар, Макрон предупреди дека ЕУ малку разговара со соседите.
„Кризите во последните години покажаа дека во ЕУ имаше многу спротивставени ставови. Разговаравме за технички прашања како што е функционирањето на пазарите, но не и за Русија или Турција. Се покажа дека нашата политика кон тие земји често се разликува бидејќи имаме различни истории“, рече Макрон.
Пронајдете не на следниве мрежи:
