Острата правна битка за француската винарија Миравал на Бред Пит и Анџелина Џоли , чија вредност се проценува на 500 милиони долари , би можела да зависи од еден беден долар , пишува Page Six, која потсетува дека холивудските ѕвезди не бираат средства борејќи се за винаријата која ја поседувале во 2008 година. Заеднички ја купиле по цена од 28,4 милиони долари со цел да започнат развој на винскиот бренд. Правната битка се водеше пред судовите во Калифорнија и Луксембург, а Page Six сега известува дека спорот може да се реши за сума од еден долар.Имено, во времето кога ја купиле винаријата, Пит имал 60 отсто, а Џоли 40 отсто. Но, непосредно пред свадбата, во 2014 година, актерот и оставил на својата сакана дополнителни 10 отсто од сопственоста во знак на љубов и лојалност, а тие десет отсто ги продал по симболична цена од едно евро или 1,08 долари.
По завршувањето на нивната љубовна врска, Џоли го продаде својот удел во винаријата на подружница на групацијата Столи, во сопственост на рускиот олигарх Јуриј Шефлер . Меѓутоа, адвокатите на актерот сега тврдат дека неговата бивша не платила сума од едно евро, односно 1,08 долари, па сега бараат од судот да го откаже договорот Џоли-Столи.
Целиот случај го обелодени раководството на Столи, од каде велат дека не се запознати со никакви проблеми поврзани со купувањето на 50 отсто од Миравал и дека немаат никакви грижи за тоа.Page Six, пак, пишува дека адвокатскиот тим на актерката го нема тоа мислење и сега се прашува дали таа ја платила спорната сума или не. Тие, исто така, се сеќаваат како Пит претходно тврдеше дека Џоли се оддалечила од нивните ексклузивни разговори за откуп откако таа рече дека сака да излезе од Миравал, пред подоцна да ги продаде своите акции на Столи.Џоли тогаш тврдеше дека немале договор за двонасочна согласност за продажба, додека Пит вели дека ја продала винаријата без негово знаење , што таа јасно го негирала.
Пронајдете не на следниве мрежи:
