Кошаркарите на Мајами го победија Сан Антонио во дерби натпреварот помеѓу двете најдобри екипи во НБА лигата. Во ноќта помеѓу неделата и понеделникот, без двајцата најдобри играчи Леброн Џејмс и Двејн Вејд, Мајами победи во Тексас со 88:86.Крис Бош со 24 поени, девет скокови и три асистенции ги предводеше ’жешките’ до победата, покрај него со двоцифрен број на поени мечот во редовите на Мајами го завршија уште тројца играчи: Реј Ален (14), Норис Кол (13) и Мајк Милер (12). Сан Антонио го предводеа Тим Данкан (17 поени, 12 скокови) и Кави Ленард (17 поени, 11 скокови).Мајами е лидер на истокот и воопшто во лигата со скор 58-15, додека Сан Антонио и покрај поразот остана на лидерската позиција во Западната конференција со скор 55-18.Њујорк лесно го совлада Бостон со 108:89 во дерби средбата во источната конференција. Кармело Ентони со 24 поени и 10 скокови, односно Крис Копленд со рекордни во кариерата 22 поени го предводеа Њујорк до победата. Џеф Грин со 27 и Пол Пирс со 24 поени беа единствените светли точки во екипата на Бостон.По победата во Далас, Чикаго запиша уште еден триумф во неизвесна завршница. Булс победија во Детроит со 95:94, Луол Денг со 28 поени го предводеше тимот до победата.Вашингтон забележа убедлива победа во Торонто од 109:92, додека Њу Орлеанс победи во Кливленд со 112:92.
МакфаксКошаркарите на Мајами го победија Сан Антонио во дерби натпреварот помеѓу двете најдобри екипи во НБА лигата. Во ноќта
Мајами без Леброн и Вејд пресилен за СА
