Управата за хидрометеоролошки работи (УХМР) за утре најавува сончево и многу топло време со мала локална облачност и слаб до умерен променлив ветер.
Минималната температура ќе се движи од 11 до 21 степен, а максималната ќе достигне од 33 до 39 степени.
Во Скопје ќе биде сончево и многу топло, со слаб до умерен променлив ветер. Утринската температура ќе се спушти до 18 степени, а дневната ќе достигне до 38 степени.
Според УХМР, под влијание на топла воздушна маса од југ, во деновите од продолжениот викенд и до крајот на следната седмица ќе преовладува сончево и многу топло време со мала до умерена локална облачност.
Дневната температура насекаде ќе биде над 32 Целзиусови степени, а на одделни места ќе надмине и 40 степени. Од УХМР посочуваат дека високите температури ќе се задржат и во вечерните и ноќните часови.
The post Метеоролозите најавуваат температури до 39 степени утре, и над 40 во следните денови appeared first on Во Центар.
