Министерство за здравство ќе купи 8 мамографи до 2021. година

На вчерашната седница Владата му одобри на Министерството за здравство да почне јавна набавка на мамографи во вредност од 85 милиони денари или 1,38 милиони евра. Според соопштението на Владата оваа јавна набавка треба да се реализира во 2019, 2020 и 2021 година.
Министерството информира дека со овие средства предвидуваат да се набават 8 мамографи и да ги  распределат според потребите на здравствените установи. Два сигурно ќе бидат распоредени во Скопје, а останатите во поголемите градови низ републикава.
-Со оваа набавка ќе се намали времето за чекање за снимање на мамограф, што е една од дијагностичките процедури за откривање рак на дојка, велат од Министерството за здравство.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.