Претседателот на Владата, Христијан Мицкоски, изјави дека Владата е една од првите во Европа која го намали ДДВ-то на горивата и дека оваа мерка е дел од напорите за стабилност и помош на граѓаните. Тој нагласи дека намалувањето на даноците е дел од поширок пакет мерки, кој ги вклучува и справувањето со стари долгови од 2,5 милијарди евра, колективни договори и зголемување на платите.
– „Се обидуваме да ги предвидиме предизвиците и да носиме решенија кои ќе го олеснат животот на граѓаните, наместо да внесуваме паника“, рече Мицкоски.
Премиерот истакна дека Владата успеала да одржи ценовна стабилност и да обезбеди најниски цени на горивата во регионот, додавајќи дека сега Македонија е пример за стабилност и сигурност и за соседите.
– „Најлесно е да се создава параноја, но ние внесуваме оптимизам и знаеме што правиме за доброто на граѓаните“, подвлече Мицкоски.
