Кога ќе посакаме да направиме некоја промена во животот, првото на што ни текнува е нова фризура или боја на косата.
Следнава година обидете се да експериментирате со стилот малку повеќе, па така не плашете се и без двоумење одлучете се да ја скратите косата.
Секоја промена кај косата резултира со нова доза самодоверба, а верувајте дека кратката коса ќе биде совршено лесна за стилизирање.
Ако се двоумите, одете постепено и кратете ја косата малку по малку, сè додека не дојдете до саканата кратка форма.
Секогаш бидете внимателни и не правете ваква фризура по секоја цена, односно направете ја онаа што најмногу ви одговара според обликот на лицето.
Ние ви предлагаме неколку начини како да ја стилизирате кратката коса, а ваше е да одлучите која фризура ќе ја одберете.
