Министерството за внатрешни работи регистрираше случај на физичко насилство на работното место кој се случил во текот на вчерашниот ден во општина Центар.
Според официјалните информации од полицискиот билтен, инцидентот бил пријавен вчера попладне во 15:10 часот во Секторот за внатрешни работи Скопје. Оштетената 45-годишна скопјанка со иницијали С.Б., пријавила дека претходно истиот ден била жртва на физички напад од нејзин соработник.
Настанот се случил околу 13:00 часот, додека двајцата се наоѓале во просториите на установата во која работат, лоцирана на подрачјето на скопски Центар. Според пријавата, таа била физички нападната од нејзиниот колега со иницијали Д.И.
Од полицијата информираат дека екипите на СВР Скопје веќе работат на случајот и се преземаат сите неопходни мерки за негово целосно расчистување и санкционирање на сторителот.
Извор: press24.mk
