Најдобрите извори на железо во исхраната

Постојат неколку видови анемија, најпозната е онаа во недостиг на железо, но недостиг на витаминот Б12 и фолна киселина исто така може да ја предизвикаат оваа појава.
Анемијата е болест на крвта која е карактеризирана со ниско ниво на црвените крвни клетки. Функција на овие клетки е транспорт на кислородот до остатокот од ткивото. Кога бројот или обликот на овие клетки не одговара, нивната работа не е целосно ефективна. Како последица, може да се почувствуваат одредени симптоми како што се умор, вртоглавица, проблеми со концентрација и слично.
Во борба против анемијата, едно од оружјата е исхраната која е извор на железо.
Црвено месо
Освен што е извор на протеини, месото е богато со железо и витамин Б12. Железото од овој извор обично подобро се апсорбира од оној од растително потекло.
Леќа
Мешунките се исто така добар извор на железо. Не само што имаат висока концентрација на овој минерал, туку содржат и елементи погодни за апсорпција во цревата. Затоа се препорачува да се закисне најмалку 24 часа пред варење.
Риба
Концентрацијата на железо во риба е ниска, но рибата е извор на Б12 и здрави масни киселини како омега-3. Експертите вклучуваат риба во исхраната 3 до 4 пати неделно. Оваа насока доаѓа од Шпанската агенција за безбедност во исхраната.
Јајца
Добар извор се на железо и витамин Б12, како и витамин А, биотин и протеини. Варени, пржени или омлет, јајцата се најздрава храна.
Јаткасти плодови
Освен омега-3 масни киселини, содржат и добра количина железо и фолна киселина (бадеми и ореви). Тостирани ја олеснуваат апсорпцијата на железо, но ја намалуваат апсорпцијата на фолна киселина.
Зелен лиснат зеленчук
Одличен извор на фолна киселина, најдобро е зелениот лиснат зеленчук да се јаде сиров, готвен на пареа или варен.
За да се зголеми апсорпцијата на железо од храната една од главните стратегии е да се обезбеди извор на витмаин Ц. На пример, пиперка, портокал, киви или мандарина. Дури и неколку капки сок од лимон може да биде доволно.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.