Најмалку 18 загинати во судир на патнички авион и воен хеликоптер во Вашингтон

Патнички авион со 60 патници и четири члена на екипажот, се урнал при слетување во Вашингтон. Непосредно пред падот, се случил судар во воздухот со воен хеликоптер. Спасувачки екипи извлекуваат безживотни тела од ледената река. Несреќата се случила околу 21 час по локално време. Авионот летал од Вичита за Вашингтон, а хеликоптерот со кој се судрил бил на тренажен лет.

CBS news повикувајќи се на извори пд полицијата соопшти дека спасувачките екипи пронашле 18 тела на местото на несреќата и дека досега не е пронајден ниту еден преживеан. Властите сè уште не објавиле официјални информации за бројот на жртви.

Американската војска соопшти дека во хеликоптерот имало тројца војници.

Американската федерална управа за авијација (ФАА) соопшти дека регионалниот авион на ПСА Ерлајнс се судрил во воздух со хеликоптерот Блек Хок додека се приближувал до аеродромот.

Пронајдете не на следниве мрежи:

©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола или посебен договор, не е дозволено преземање, користење или реемитување на вестите.