Вкусот на овој десерт никој нема да го остави рамнодушен, па поради тоа ви препорачуваме да го пробате.
За кнедли:
– 750 грама компири;
– 1 жолчка;
– 3 лажици масло за јадење;
– 7 лажици гриз;
– 21 лажица брашно;
– прстофат сол.
Останато:
– нутела (или друг еурокрем по избор);
– путер;
– презла;
– шеќер.
Подготовка:
Сварете ги компирите, па згмечете ги откако ќе се изладат, додадете ја жолчката, солта, маслото, гризот и брашното, па замесете тесто.
Формирајте топчиња од тестото па во секое од нив ставете по една лажица нутела, обликувајте кнедли и варете во зовриена вода.
На путерот испржете ја презлата, измешајте со шеќерот, па извалкајте ги кнедлите.
Пријатно јадење!
