Српскиот пејач Никола Роквиќ влезе во Грција по 18 дена пешачење. Веста ја објави на својата инстаграм-приказна, а на своите следбеници им покажа и прекрасно поле со афион, како и црква покрај патот, а сето тоа со музиката на познатиот грчки пејач Петрос Гаитанос.

„Драги луѓе, еве влегов во Грција преку преминот Дорјан, пред езерото и сега ги минувам прекрасните полиња во Грција. Прекрасна природа. Да бидете живи и здрави и благословени од Бога. И да ве информирам дека стигнавме до 19 милиони динари. Господ да ве благослови, одиме понатаму до нашата цел. Овојпат за детската радост“, рекол Никола.

Никола на 22 април тргна на аџилак на грчкиот остров Егина.

Пејачот има мисија, сака да се поклони во манастирот Свети Нектариј Егински, а причината е повеќе од хуманитарна. Имено, Никола и неговата сопруга Бојана ја основале фондацијата „Семејство“, а првото нешто што сакаат да направат е да соберат пари за реновирање на детското онколошко одделение, како и за апарати кои ќе помогнат за дијагностицирање на рак на мозокот.