Европската унија мора да се подготви за нагло зголемување на синтетичката дрога фентанил, предупреди Илва Јохансон, еврокомесар за внатрешни работи.
Таа реагираше на предупредувањето на американскиот државен секретар Ентони Блинкен дека Европа наскоро ќе се соочи со проблемот со синтетичките дроги. Паника завладеа и во Хрватска, соопшти Хрватскиот завод за јавно здравје и предупреди дека постои голем ризик по здравјето поради опасната дрога која забрзано се шири во Европа, а веќе однесе два животи во Хрватска.
Тоа е фентанил, лек кој се користи во хуманата и ветеринарната медицина, но тој и неговите деривати имаат долга историја на недозволена употреба како замена за хероинот. Главната опасност од фентанил лежи во фактот дека дури и мали количини може да предизвикаат труење на респираторниот систем.
Фентанил и деривати се поврзани со најмалку 137 смртни случаи во ЕУ во 2021 година. Најголем број на смртни случаи е забележан во Германија, од нив 88, додека девет лица починале во Австрија. Најчести симптоми предизвикани од фентанил се еуфорија, вртоглавица, збунетост, опуштање, намалена способност за чувствување болка, седација, но и гушење и хипотермија и побавен пулс.
Направен е за злоупотреба во гаражи, викендички, хотелски соби. Погоден е за шверц бидејќи е спакуван како аспирин, апчиња за спиење, витамини и други додатоци. И тоа е многу популарно кај младите.
- Токму респираторната депресија (гушење) претставува најголема опасност за потрошувачите, бидејќи поради високата јачина на овие супстанции, малите количини можат да предизвикаат труење на респираторниот систем опасно по живот. Ако не се лекува, може да доведе до респираторен застој (престанок на дишење) и смрт – велат, а во тоа може да помогне само налоксон.
Лекот Фентанил содржи активната супстанција фентанил цитрат. Припаѓа на групата лекови наречени „наркотични аналгетици“. Тој е силен лек за болка со кратко дејство.
Лекот се користи за спречување или ублажување на болката за време на различни видови операции. Може да се користи за:
- Кратки операции, кога ќе бидете отпуштени дома истиот ден
- Долги операции, кога можете да останете во болница одреден број денови
За време на големите хируршки операции се користи заедно со седативи познати како невролептици, да би те заспал. Може да се користи и за ублажување на силна болка, како на пример за време на срцев удар.
Повеќе од 107.000 смртни случаи од предозирање со синтетички дроги, првенствено фентанил, беа регистрирани во САД во 2022 година.
Мексико воспоставува дигитален систем за плаќање
Мексико воспоставува дигитален систем за следење на хемикалиите и лековите како фентанил, како и дигитални контроли на влезните пристаништа и граничните премини, изјави денеска министерката за надворешни работи Алисија Барсена.
– Воведуваме многу софистициран систем за дигитално следење – изјави Барсена во Вашингтон за време на посетата на САД, пренесува Ројтерс. Тој потег е дел од трилатералната соработка со САД и Канада, додаде Барсена. Мексико вети дека ќе ги следи хемиските супстанции кои влегуваат во земјата каде што се користат за производство на смртоносниот опијат фентанил, кој потоа често се шверцува во САД. Барсена рече дека супстанциите често пристигнуваат во Мексико во мали пакувања кои тешко се следат.
- Првата работа што ќе ја воведеме е контролата на супстанциите што се користат како синтетички дроги – рече таа, без да даде повеќе детали за тој план.
