Синдикатот на полиција во Македонија денеска до ОЈО Скопје поднесе кривична пријава против лицата О.С., во момент на сторување на кривичното дело министер за внатрешни работи, и Д.Ч. во моментов актуелна претседателка на Државната комисија за одлучување во управна постапка и постапка од работен однос во втор степен, заради основано сомнение за сторени две кривични дела – „повреда на право од работен однос“ и „злоупотреба на службена положба и овластување“.

По претходно спроведена постапка за утврдување на дисциплинска одговорност на работник во МВР за полесна повреда на кршење на работна дисциплина првопријавениот во својство на министер изготвил решение што во ниту еден случај не смеел да го изготви, а после тоа изготвил и решение со кое на работникот В.Р. и врачил отказ, изјави Орце Коцевски, претседател на Синдикатот на полиција во Македонија, на денешната прес-конференција пред ОЈО Скопје.

• Видеото од свадбата го обиколи светот, сите се фатија за глава: „Каква штета! Ќе ме прогонува засекогаш“
  Свадбите се познати по непредвидливите моменти, но едно видео од Австралија покажа како дури и најобичниот планиран момент може да се претвори во… Read more: Видеото од свадбата го обиколи светот, сите се фатија за глава: „Каква штета! Ќе ме прогонува засекогаш“
• Тројца државјани на Бангладеш се оддалечиле од фирма во Тетово
  Тројца државјани на Бангладеш, кои работеле во приватна фирма во Тетово и имале регулиран престој во земјава, се оддалечиле во непознат правец, било… Read more: Тројца државјани на Бангладеш се оддалечиле од фирма во Тетово
• Што е подобро за слабеење и здравје на срцето: возење велосипед или пешачење?
  Изборот помеѓу пешачење и возење велосипед зависи од вашите цели, време и удобност. И двете вежби се ефикасни, но едната може да одговара… Read more: Што е подобро за слабеење и здравје на срцето: возење велосипед или пешачење?
• Глобалната потрошувачка на вино падна на најниско ниво од 1957 година
  Глобалната потрошувачка на вино достигна најниско ниво во речиси седум децении, според најновите податоци од Меѓународната организација за лозарство и вино (OIV).Според извештајот… Read more: Глобалната потрошувачка на вино падна на најниско ниво од 1957 година
• Принцот Хари и Меган Маркл ќе продуцираат филм на Нетфликс за војната во Авганистан
  Војводата и војвотката од Сасекс работат на холивудска адаптација на мемоари за војната во Авганистан за Нетфликс, објави „Тајмс“. Принцот Хари и Меган… Read more: Принцот Хари и Меган Маркл ќе продуцираат филм на Нетфликс за војната во Авганистан

Второпријавената, пак, како што кажа, во својство на претседателка на Комисијата, решавајќи по приговор изготвила решение со кое приговорот по незаконското решение го одбила како неосновано.

Бараме ОЈО Скопје да ја земе во предвид оваа и сите наши претходни пријави, сериозно да ги разгледаат и веќе конечно да поведат постапка против наведените лица, односно да дадат обвинителен предлог и да почне да се спроведува правдата во Македонија, рече Коцевски.

Нагласи дека како синдикат во јавноста веќе две-три години зборуваат дека во последните неколку години во времето на владеење на поранешниот министер за внатрешни работи незаконски се издадени преку 25 илјади решенија.

Станува збор за преку 25 илјади решенија за распоредување од чие изготвување според официјалната пресметката е сторена штета на буџетот на МВР од преку 25 милиони евра. Се надевам дека ОЈО ќе има сериозна работа пред себе, сериозен предизвик и дека сета оваа работа вклучително и денешнава ќе излезе пред јавноста за многу брзо време, посочи Коцевски.

Од почетокот на годината синдикатот има поднесено повеќе кривични пријави против поранешниот министер, кој функцијата ја извршуваше долги години.

Пронајдете не на следниве мрежи:

• 
• 
• 
• 
• 
•