Кровот во затворот Идризово во делот кај амбулантата ноќеска бил опожарен. Пожарот бил изгаснат, а повредени лица нема.
Министерството за внатрешни работи соопшти дека пожарот е пријавен во СВР Скопје во 00:21 часот и дека е извршен увид и се утврдуваат причините.
– На 26.03.2026 во 00.21 часот во СВР Скопје, од КПУ Затвор Идризово е пријавено дека настанал пожар на кров од објектот на затворското одделение – амбуланта. Од екипа на Бригадата за противпожарна заштита Скопје, пожарот бил изгаснат, а повредени лица нема, соопшти МВР.
