Украинскиот претседател Володими Зеленски го предупреди светот дека Владимир Путин не блефира кога вели дека ќе користи нуклеарно оружје.
Украинскиот претседател Володимир Зеленски во неделата предупреди дека нуклеарната војна „може да биде реалност“ бидејќи Русија ги зголемува своите закани од нуклеарно оружје.
„Тој сака да го исплаши целиот свет. Погледнете, можеби тоа беше блеф вчера. Сега може да биде реалност. Тој ја таргетираше и ја зазеде нашата нуклеарна централа и градот Енерходар. Оваа нуклеарна централа има шест блока. И… тој продолжува да уценува за извозот на струја во Европа“, рече Зеленски за рускиот претседател Владимир Путин во интервју за Си-Би-Ес.
Тој го обвини Кремљ за „нуклеарна уцена“.
„Не мислам дека тој блефира. Мислам дека светот го одвраќа и ја спречува оваа закана. Мораме да продолжиме да вршиме притисок врз него и да не дозволиме да продолжи“, рече Зеленски.
Коментарите дојдоа кога лидерот вети дека руските војници кои ќе се предадат ќе бидат третирани на „цивилизиран начин“.
„Ќе бидете третирани на цивилизиран начин… никој нема да ги знае околностите на вашето предавање“, рече украинскиот лидер, зборувајќи на руски за време на обраќањето до нацијата доцна во саботата.
Путин го потпиша законот усвоен од рускиот парламент минатата недела со кој се казнуваат војниците кои дезертираат или доброволно се предаваат или не ги почитуваат наредбите за борба, на 10 години затвор, а исто така ја зголемува казната за воен грабеж на 15 години.
Лидерот на Кремљ се закани дека ќе ги искористи „сите средства што ни стојат на располагање“ за да ја заштити Русија во војната што ја започна против Украина на 24 февруари, истовремено најавувајќи дека околу 300.000 резервисти ќе бидат повикани да се борат.
Пронајдете не на следниве мрежи:
