Ова е моментално најпопуларниот сос на светот, а истиот се приготвува од 5 состојки и за 5 минути

Дали сте слушнале за популарниот “Million Dollar Dip”, односно сос од милион долари? Станува збор за многу популарен прилог во Америка, а таму го користат како прилог со чипс, крекери, тортиљи… Името го добил бидејќи има многу богат и неодолив вкус, иако се припрема од само 5 состојки.
Овој сос е осмислен од страна на американската готвачка Хелен Корбит, а најголемата предност на специјалитетот е што се припрема брзо и лесно и никогаш нема да погрешите со него.
Со помфрит, рестован компир, скара, крекери – овој сос може да се применува на многу начини, а ние ви го претставуваме рецептот за истиот:


Потребни состојки:
– 6-8 парчиња сланина
– 300 гр. мајонез
– 220 гр. изрендан чедар кашкавал
– 100 гр. бадеми
– 50 гр. млад кромид
Начин на припрема:
1. Во тава, кратко пропржете ги бадемите и оставете ги да се изладат пред да ги ставите во сосот.
2. Пропржете ги тенките парчиња сланина додека не станат крцкави, а потоа ставете ги на салфети за да ја впијат маснотијата. Кога ќе се изладат, исецкајте ги на што е можно поситни парчиња.
3. Изрендајте го чедарот и помешајте го со мајонезот и исецканата сланина. Додадете ги и бадемите кои претходно ситно ќе ги исецкате на мали парчиња.
4. Во сосот додадете и ситно исецкан млад кромид и оставете да отстои неколку часа во фрижидер пред да го послужите.
Пријатно јадење!

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.