Британската стратешка нуклеарна подморница ХМС Викториус неодамна заврши тајна мисија во Атлантикот поради пожар што избувна додека подморницата била под вода.
Како што пренесува британскиот таблоид „Сан“, подморницата ХМС Викториус била вооружена со интерконтинентални балистички ракети „Тридент II“ кога избил пожар во електричните инсталации. Подморницата била натоварена со два проектила.
HMS Victorious е една од четирите стратешки подморници од класата Vanguard на Кралската морнарица. Подморницата е вредна три милијарди долари.
Капетанот на подморницата прогласил „вонредна состојба“.
Извори од британската морнарица за The Sun изјавија дека членовите на подморницата се обучени да гаснат пожари и дека екипажот ефикасно реагирал на инцидентот.
Како што е наведено, подморницата е стара 30 години и генералниот ремонт на овој брод доцни, а истата учествуваше во инцидентот на Атлантикот.
Откако ја проценил штетата, капетанот на подморницата наредил враќање во базата.
Подморницата HMS Victorius е една од четирите британски нуклеарни подморници од класата Vanguard кои служат како стратешко нуклеарно одвраќање за секој противник кој би ја нападнал Велика Британија со нуклеарно оружје.
Овој британски медиум пренесува дека подморницата била на таа мисија во моментот на пожарот.
Портпаролот на кралската морнарица изјави за Сан:
„Континуираното одвраќање на противниците на море е непроменливо, но ние не ги коментираме деталите за операциите на британските подморници.
Пронајдете не на следниве мрежи:
