Станува збор за солени топчиња од кикирики кои на крајот треба да се печат во рерна, а кои можат да послужат како предјадење или ужина, особено во посните денови. Брзо се подготвуваат, а уште побрзо се јадат …
СОСТОЈКИ:
350 гр брашно
200 гр мелени несолени кикирики
кесичка прашок за пециво
лажичка сол
250 гр маргарин (кој не пости може да додаде путер)
50 до 100 мл кисела вода
Подготовка:
Во сад измешајте ги брашното, мелените кикирики, пецивото и солта. Во посебен сад измешајте го маргаринот да стане пенест, па додадете го брашното со кикириките и киселата вода, продолжувајќи со матење. Од добиеното тесто, кое треба да биде меко, одвојте парчиња и обликувајте топчиња. Наредете ги во плех обложен со хартија за печење и печете ги на 200°C околу 20 минути. Печените топчиња извадете ги од рерна, покријте ги со крпа и оставете да се изладат.
