Еден од најдобрите начини да „натерате“ некого почесто да размислува за вас е да споделите некои детали од вашиот приватен живот со таа личност. Ако некој постојано размислува за вас на позитивен начин, лесно може и да се заљуби.
Имено, како што наведува порталот Your Tango, со споделување на лични податоци ќе предизвикате одредена личност несвесно да размислува за вас.
Дури и кога ја кажувате само својата приказна, а таа личност не одговара со некои примери и детали од нивниот живот, тоа може да има силен ефект врз нејзината потсвест бидејќи начинот на кој потсвеста на таа личност ве гледа, така да се каже, е клучен за да се заљуби во вас.
Кога некој споделува лични информации со вас, вашата потсвест е „програмирана“ да мисли дека оваа личност мора да ви е блиска. Тоа е затоа што само луѓето што се блиски споделуваат ранливи мисли и чувства.
Според тоа, потсвеста на таа личност ве вади од категоријата да бидете само уште една обична личност во нејзиниот живот и станувате нејзин пријател со кој постепено ќе гради подобра врска.
Процесот на споделување лични информации и тајни е интимен чин сам по себе, а бидејќи личноста не го очекувала тоа од вас (до сега), ќе ја натера сѐ повеќе да размислува за вас во текот на следните неколку дена.
Затоа, важно е да знаете што ќе ѝ кажете на таа личност. Тоа треба да биде нешто што малку луѓе го знаат за вас. Тоа може да биде семејна ситуација, ситуација на работното место или амбиција што ја имате во вашиот живот. Исто така, кога ќе му ги кажете на лицето овие информации, важно е да разбере дека тоа се информации што ги споделувате само со него или со блиски пријатели.
Потсвеста на таа личност испраќа порака дека се чувствувате доволно удобно со неа за да споделите такви лични информации. Тоа ѝ покажува на таа личност дека го цените нејзиното мислење затоа што луѓето сакаат да се чувствуваат како да се важни во нечиј живот. Сето ова го зголемува нивото на односи изградени преку споделување информации.
Пронајдете не на следниве мрежи:
