Прекин на огнот во Украина за одреден временски период е можен доколку се постигнат соодветните договори, изјави рускиот претседател Владимир Путин по разговорот со Трамп.

„Се договоривме со претседателот на Соединетите Американски Држави дека Русија ќе предложи и е подготвена да соработува со украинската страна на меморандум во врска со можен иден мировен договор со дефинирање на голем број позиции, како што се, на пример, принципите на решавање на конфликтот, времето на можен мировен договор и така натаму, вклучително и евентуално прекин на огнот за одреден период доколку се постигнат релевантните договори“, изјави Путин пред новинарите, пренесе РИА Новости.

Рускиот претседател Владимир Путин, зборувајќи за продолжување на преговорите со Украина, изјави дека постојат основи да се верува дека ова е вистинскиот пат. „Патем, контактите меѓу учесниците на состанокот и преговорите во Истанбул се обновени, а тоа дава причина да веруваме дека сме, генерално, на вистинскиот пат“, изјави Путин пред новинарите.