Водачот на руската шпионска мрежа во Велика Британија, Орлин Русев, е осуден денеска пред судот во Лондон на речиси 11 години затвор, објави Ројтерс. Обвинителите тврдеа дека Русев (47) собирал разузнавачки информации за Кремљ.

Тој пред судот се изјасни за виновен по едно обвинение за заговор за шпионажа за Русија. Според Ројтерс, полицијата пронашла илјадници пораки меѓу него и Јан Марсалек, кој водел мрежа на бугарски разузнавачи во странство.

Судијата Николас Хилиард го осуди Русев на 10 години и осум месеци затвор.

Хилиард нагласи дека операциите предводени од Русев претставуваат сериозен ризик за британската национална безбедност, пренесува Танјуг.