Генералниот секретар на НАТО Марк Руте пристигна во земјава. На скопскиот аеродром беше пречекан од министерот за одбрана Владо Мисајловски.
– Во време на сериозни безбедносни предизвици од особено значење е заеднички да придонесуваме за безбедноста, мирот и стабилноста, напиша Мисајловски на Фејсбук.
Руте е во прва официјална посета на земјава. Ќе се сретне со претседателката Гордана Сиљановска Давкова, со премиерот Христијан Мицкоски и со собранискиот спикер Африм Гаши.
