Со поднесувањето на кривичните пријави, целосната истрага оди во Основното јавно обвинителство и таму е целата документација. Сите детали се разгледуваат таму. Не би можел да споделувам повеќе информации бидејќи истрагата не се води по медиуми, туку мора во ОЈО, изјави денеска министерот за внатрешни работи, Оливер Спасовски, запрашан за тоа каде се наоѓало возилото на убиениот Панче Жежовски, од моментот кога му е одземено до моментот кога е користено на 27-ми ноември од страна на убијците, за киднапирање на малата Вања Ѓорчевска.

Што досега знаеме за убиството на Вања, што беше објавено и до каде се работите? Збир од текстови

Еден од новинарите го запраша министерот дали е точно дека инспектор давал информации за истрагата на познаници и пријатели низ Скопје, на што Спасовски истакна дека во последниот период се лиферуваат многу шпекулации за истрагата.

-Кога во истрага сите шпекулации ги изнесуваме во јавноста, може да се влијае на самата истрага. Тоа не е добро. За било каква активност што е нелегална, без разлика дали е инспектор или некој друг, ќе си сноси одговорност, доколку постои такво нешто, кажа Спасовски при посетата на СВР Куманово.

Пронајдете не на следниве мрежи:

• 
• 
• 
• 
• 
• 

©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.